គួរឈប់ឆ្ងល់ទៅ រវាងកាតអ្នកកាសែតចេញដោយក្រសួងព័ត៌មាន និងកាតកាសែតចេញដោយសាមីអង្គភាព(ចាងហ្វាង) តាមពិតមានតម្លៃផ្លូវការដូចគ្នា

អ្នកសារព័ត៌មាន០១នាក់បានឲ្យដឹងថា គួរឈប់ឆ្ងល់ទៅរវាងកាតអ្នកកាសែតចេញដោយក្រសួងព័ត៌មាន និងកាតកាសែតចេញដោយសាមីអង្គភាព(ចាងហ្វាង) តាមពិតមានតម្លៃផ្លូវការដូចគ្នា(មើលត្រង់ចំណុចរង្វង់ក្រហម) សូម្បីក្រសួងព័ត៌មានក៏ទទួលយកជាសាច់ការដែរ ។

ប្រភពព័ត៌មានបានបញ្ជាក់ថា និយាយឲ្យពិតទៅ ស្ថាប័នសារព័ត៌មាននីមួយៗ បានវិវត្តខ្លួនជានីតិបុគ្គលដោយច្បាប់កំណត់រួចទៅហើយ តាមរយះការចុះពាណិជ្ជកម្ម និងបញ្ជីការនៅក្រសួងពាក់ព័ន្ធនានាតាមច្បាប់អាជីវកម្ម។ អ្នកទទួលខុសត្រូវធំបំផុត គឺនាយកសហគ្រាស ឬចាងហ្វាងរបស់អង្គភាព ៕