សមត្ថកិច្ចឃាត់ខ្លួនជនស…ង្ស័យ ដែលទើបតែចេញពីពន្ធនាគារវិញ មិនចោលមុខរបរចាស់

ភ្នំពេញ ៖ កាលពី យប់ថ្ងៃទី៣១ ខែមីនា ឆ្នាំ២០២៥ នៅចំណុចមុខផ្ទះគ្មានលេខ ផ្លូវបេតុង ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ។
សមត្ថកិច្ចឃាត់ខ្លួនជនសង្ស័យ ដែលទើបតែចេញពីពន្ធនាគារវិញ មិនចោលមុខរបរចាស់ ក៏ត្រូវសមត្ថកិច្ចឃាត់ខ្លួនម្តងទៀត ។

ជនសង្ស័យឈ្មោះ យ៉ាន ប្រុសដែន ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ (ធ្លាប់ជាប់ពន្ធនាគារកាលពីឆ្នាំ២០២៣ ករណីជួញដូរដោយខុសច្បាប់នូវសារធាតុញៀន) ។
លោកវរសេនីយ៍ត្រី អុំ រតនា នាយប៉ុស្តិ៍ច្បារអំពៅទី០២ បានប្រាប់ថា ដោយកាលពីវេលាម៉ោង០៧ និង៥០នាទីយប់ថ្ងៃទី៣១ ខែមីនា ឆ្នាំ២០២៥ លោកបានអោយមន្ត្រីប៉ុស្តិ៍ច្បារអំពៅទី២ ល្បាតក្នុងមូលដ្ឋាន លុះធ្វើដំណើរមកដល់ចំណុចមុខផ្ទះគ្មានលេខ ផ្លូវបេតុង ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ក៏ប្រទះឃើញជនសង្ស័យម្នាក់ ដែលជាមុខសញ្ញាជួញដូរគ្រឿងញៀនយ៉ាងសកម្ម និងធ្លាប់ជាប់ធានាគារ ទើបនឹងចេញមកវិញ ភ្លាមៗនោះ សមត្ថកិច្ចបានធ្វើការស្ទាក់ ត្រួតពិនិត្យរកឃើញ ក្រាមពណ៌សថ្លា ចំនួន ០២កញ្ចប់ថង់តូច ដែលជនសង្ស័យលាក់នៅខ្លួន ក៏ឃាត់ខ្លួនជនសង្ស័យយកទៅកាន់ប៉ុស្តិ៍ ដើម្បីសួរនាំតែម្តង ។
ជនសង្ស័យនេះ ត្រូវបានកម្លាំងនគរបាលប៉ុស្តិ៍ច្បារអំពៅទី០២ កសាងសំណុំរឿងបញ្ជូនទៅកាន់តុលាការចាត់តាមនីតិវិធីច្បាប់ ៕