ផ្ទាំងប៉ាណូ LED ក្នុងយុទ្ធនាការ «និយាយថាទេចំពោះព័ត៌មានក្លែងក្លាយ»

ផ្ទាំងប៉ាណូ LED ក្នុងយុទ្ធនាការ «និយាយថាទេចំពោះព័ត៌មានក្លែងក្លាយ» ត្រូវបានដំឡើងជាបន្តបន្ទាប់នៅតាមទីតាំងសំខាន់ៗមួយចំនួនក្នុងរាជធានីភ្នំពេញ និងតាមបណ្តាខេត្តនៅទូទាំងប្រទេសកម្ពុជា។

ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន បានថ្លែងអំណរគុណសមាគមទីភ្នាក់ងារប្រព័ន្ធផ្សព្វផ្សាយពាណិជ្ជកម្មកម្ពុជាដែលបានចូលរួមជាមួយក្រសួងព័ត៌មាន ព្រោះការចូលរួមពីវិស័យឯកជនពិតជាមានសារៈសំខាន់ក្នុងការអប់រំសាធារណជនឱ្យបានទូលំទូលាយពីប្រធានបទនេះ។
ឯកឧត្តម នេត្រ ភក្រ្តា បញ្ជាក់ថា តាមរយៈការផ្សព្វផ្សាយទាំងនេះ សាធារណជននឹងបានឈ្វេងយល់អំពីផលប៉ះពាល់នៃព័ត៌មានក្លែងក្លាយ វិធីបង្ការការសាយភាយព័ត៌មានក្លែងក្លាយ និងការការពារខ្លួននៅពេលប្រើប្រាស់បណ្តាញសង្គម។

គួររំឭកថា យុទ្ធនាការ «និយាយថាទេចំពោះព័ត៌មានក្លែងក្លាយ» បានបើកជាផ្លូវការដោយក្រសួងព័ត៌មានកាលពីថ្ងៃទី១ ខែមេសា ឆ្នាំ២០២៥ កន្លងមកនេះ៕