បង្រ្កាបទីតាំងឡូតូ និងល្បែងស៊ីសងមាន់ជល់អនឡាញ នៅភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ

ភ្នំពេញ ៖ លោកអភិបាលខណ្ឌមានជ័យចាត់វិធានការយ៉ាងក្តៅហើយចំពោះល្បែងស៊ីសងខុសច្បាប់នៅក្នុងខណ្ឌមានជ័យ។តាមការចង្អុលបង្ហាញរបស់លោក សេង គន្ធ អភិបាល នៃគណៈអភិបាលខណ្ឌមានជ័យ និងជាប្រធានគណៈបញ្ជាការឯកភាពខណ្ឌមានជ័យ បានបញ្ជាអោយលោកចៅសង្កាត់ស្ទឹងមានជ័យទី៣ នាយប៉ុស្តិ និងកម្លាំងសណ្តាប់ធ្នាប់ខណ្ឌ បានដឹកនាំកម្លាំងចុះបង្រ្កាបទីតាំងឡូតូ និងល្បែងស៉ីសងមាន់ជល់អនឡាញ នៅភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។ កាលពីថ្ងៃទី០៣.០៤.២០២៥នេះ
ដោយធ្វើការដកហូតសម្ភារៈមួយចំនួនដូចខាងក្រោម៖
-ទូរសព្ទ ០៤គ្រឿង
-កុំព្យូទ័រ ០១គ្រឿង
-IPad ០១គ្រឿង
-ម៉ូតូ ០៣គ្រឿង
-និងឃាត់ខ្លួនមនុស្សបានចំនួន ០៥នាក់ ក្នុងនោះភេទស្រី ០២នាក់

សម្ភារៈពាក់ព័ន្ធនឹងឡូតូ និងល្បែងស៉ីសងមាន់ជល់អនឡាញខាងលើ ត្រូវបានកម្លាំងគណៈបញ្ជាការឯកភាពរដ្ឋបាលខណ្ឌមានជ័យ យកទៅរក្សាទុក នៅសាលាខណ្ឌមានជ័យជាបណ្ដោះអាសន្ន ដោយឡែកមនុស្សដែលបានឃាត់ខ្លួនខាងលើ បានបញ្ជូនទៅប៉ុស្តិ៍នគរបាលសង្កាត់ស្ទឹងមានជ័យទី៣ ដើម្បីមានចំណាត់ការតាមនីតិវិធីច្បាប់ ៕