ក្មេងប្រុសជាសិស្សម្នាក់ ជួបគ្រោះថ្នាក់ចរាចរណ៍ ត្រូវរថយន្ដកិនបែកក្បាលធ្លាយខួរស្លា.ប់ យ៉ាងរន្ធត់

ភ្នំពេញ៖ ក្មេងប្រុសម្នាក់បានលាម្ដាយ ជិះកង់ទៅសាលាមុន ដោយខ្លាចហួសម៉ោងរៀន ប៉ុន្តែជាអកុសលបានជួបគ្រោះថ្នាក់ បណ្តាលអោយរថយន្តកិនបែកក្បាលស្លាប់ ។
ហេតុការណ៍នេះបានកើតឡើងកាលពី ថ្ងៃទី០៤ ខែមេសា ឆ្នាំ២០២៥ តាមបណ្ដោយផ្លូវលេខ ២០១១ ស្ថិតក្នុងសង្កាត់គោរកា ខណ្ឌព្រែកព្នៅ ។
ក្មេងប្រុសរងគ្រោះមាន ឈ្មោះ សិទ្ធ អាយុ ១០ឆ្នាំ ជាសិស្សថ្នាក់ទី០៤ នៃសាលាឋបមសិក្សាគោករកា ។

មុនកើតហេតុក្មេងប្រុសឈ្មោះ សិទ្ធ អាយុ១០ឆ្នាំ បានលាម្ដាយជិះកង់ទៅសាលាមុន ព្រោះខ្លាចទៅមិនទាន់ម៉ោងរៀន នៅសាលាបឋមសិក្សាគោរកា ។ ខណៈមកដល់ចំណុចកើតហេតុ ដោយសភាពផ្លូវមានការកកស្ទះចរាចរណ៍ ភ្លាមៗក្មេងប្រុសខាងលើ បានចាប់ហ្រ្វាំងមួយទំហឹង បណ្តាលអោយដួលខ្ទាតចូលក្រោមរថយន្ត ដែលធ្វើដំណើរទិសដៅបញ្រ្ចាសគ្នា បណ្ដាលឱ្យរថយន្ដកិនបែកក្បាលចេញខួរស្លាប់យ៉ាងរន្ធត់ ។ ចំណែករថយន្តខាងលើបានបើករត់គេចចេញពីកន្លែងហេតុ បាត់ស្រមោលតែម្តង ។
ក្រោយកើតហេតុសមត្ថកិច្ចបានទាក់ទងរកសាច់ញាតិដើម្បីមកទទួលយកសពទៅធ្វើបុណ្យតាមប្រពៃណី ពេលដែលម្ដាយមកដល់បានឃើញសពរបស់កូនបានទ្រហោយំយ៉ាងអាណោចអាធ័មបំផុត។ សមត្ថកិច្ចនិងកំពុងបន្តធ្វើការស្រាវជ្រាវរករថយន្ដដើម្បីយកមកធ្វើការតាមនីតិវិធីច្បាប់៕