លោកឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្ត បានអញ្ជើញផ្សព្វផ្សាយនូវបទបញ្ជាឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងធ្វើការត្រួតពិនិត្យកម្លាំង សម្ភារៈ មធ្យោបាយ និងគ្រឿងបំពាក់ ដើម្បីត្រៀមកម្លាំងរងចាំជួយសង្គ្រោះ បង្ការ បង្ក្រាប

រតនគិរី៖ នៅបញ្ជាការដ្ឋានកងរាជអាវុធហត្ថខេត្តរតនគិរី វេលាម៉ោង ៧.២០នាទីព្រឹក ថ្ងៃទី០៤ ខែមេសា ឆ្នាំ២០២៥ លោកឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្ត បានអញ្ជើញផ្សព្វផ្សាយនូវបទបញ្ជាឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងធ្វើការត្រួតពិនិត្យកម្លាំង សម្ភារៈ មធ្យោបាយ និងគ្រឿងបំពាក់ ដើម្បីត្រៀមកម្លាំងរងចាំជួយសង្គ្រោះ បង្ការ បង្ក្រាបក្នុងករណីចាំបាច់ដែលអាចកើតឡើងជាយថាហេតុ និងត្រៀមកម្លាំងការពារសន្តិសុខរក្សាសុវត្ថិភាពជូនប្រជាពលរដ្ឋ ភ្ញៀវទេសចរណ៍ជាតិ អន្តរជាតិ ដែលបានមកលំហែកម្សាន្តក្នុងខេត្តរតនគិរី ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នាពេលខាងមុខ ។ ពិធីនេះដែរក៏មានការអញ្ជើញចូលរួមស្តាប់បទបញ្ជាពីសំណាក់លោកមេបញ្ជាការរង នាយសេនាធិការរង ប្រធាន.អនុប្រធានមន្ទីរ នាយការិយាល័យ មេបញ្ជាការ.មេបញ្ជាការរងមូលដ្ឋានកងរាជអាវុធហត្ថក្រុង.ស្រុក ស្នាក់ការសន្តិសុខ នាយ នាយរង កងរាជអាវុធហត្ថ និងកម្លាំងកងអនុសេនាធំចល័ត ចំណុះបញ្ជាការដ្ឋានកងរាជអាវុធហត្ថខេត្តជាច្រើនរូបទៀតផងដែរ ៕