ក្មេងប្រុសម្នាក់ ជាសិស្សរៀនថ្នាក់ទី៩ បានសម្រេចចិត្តជួលកង់បីជិះមកលើស្ពានជ្រោយចង្វា លោតទឹកស..ម្លាប់ខ្លួនលិចបាត់ឈឹង ព្រោះតែខឹងឪពុកម្ដាយស្ដីបន្ទោសរឿងស្លៀកខោរហែកជើង

ភ្នំពេញ៖ កាលពី យប់ថ្ងៃទី០៥ ខែមេសា ឆ្នាំ២០២៥ នៅចំណុចលើស្ពានជ្រោយចង្វាក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
ក្មេងប្រុសម្នាក់មានអាយុ១៥ឆ្នាំ និងជាសិស្សរៀនថ្នាក់ទី៩ បានសម្រេចចិត្តជួលកង់បីជិះមកលើស្ពានជ្រោយចង្វាលោតទឹកសម្លាប់ខ្លួនលិចបាត់ឈឹង ព្រោះតែខឹងឪពុកម្ដាយស្ដីបន្ទោសរឿងស្លៀកខោរហែកជើង។
ក្មេងប្រុសមានឈ្មោះ ហ៊ន់ ហាក់ លី ភេទប្រុស អាយុ១៥ឆ្នាំ ជាសិស្សរៀនថ្នាក់ទី៩ បច្ចុប្បន្នរសនៅក្បែរផ្សារទួលសង្កែ ក្នុងសង្កាត់ទួលសង្កែទី០១ ខណ្ឌឫស្សីកែវ រាជធានីភ្នំពេញ។

នៅមុនពេលកើតហេតុដោយកូនរបស់គាត់បានចេញមកពីសាលារៀនត្រឡប់មកផ្ទះវិញ ក្រោយមករូបគាត់ក៏ឃើញខោរហែកត្រង់ជង្គង់ហើយរូបគាត់បានសួរនាំទៅលើកូនថា ម្តេចបានស្លៀកខោរហែកអ៊ីចឹង មកពីដួលម៉ូតូឬក៏វារហែក? បន្ទាប់មករូបគាត់បានស្តីបន្ទោសទៅលើកូនបន្តិចបន្តួច លុះមកបានមួយសន្ទុះ កូនរបស់គាត់បានបាត់ចេញពីផ្ទះ។
បន្ទាប់មក គេឃើញក្មេងប្រុសខាងលើជួលកង់បីមួយគ្រឿងជិះឡើងលើស្ពានជ្រោយចង្វាពីរង្វង់មូលកួចកាណុងឆ្ពោះទៅផ្លូវស្ពានជ្រោយចង្វាក្នុងទិសដៅពីត្បូងទៅជើង ខណៈពេលជិះមកដល់ពាក់កណ្តាលស្ពានក៏បានចុះពីលើកង់បី រួចតេទូរសព្ទ័ទៅប្រាប់ឪពុកម្តាយឱ្យមកយកកាតាបនិងស្បែកជើងនៅលើស្ពានជ្រោយចង្វាផង ហើយក៏បានលោតពីលើស្ពានជ្រោយចង្វាសម្លាប់ខ្លួនតែម្តងទៅភ្លាមៗនោះ មានបងប្អូនប្រជាពលរដ្ឋធ្វើដំណើរឆ្លងកាត់ឃើញហេតុការណ៍ក៏រាយការណ៍ទៅសមត្ថកិច្ចមូលដ្ឋានឱ្យចុះមកទីតាំងកន្លែងកើតហេតុ។
សមត្ថកិច្ចមូលដ្ឋានចុះមកដល់ក៏បានទាក់ទងទៅក្រុមគ្រួសាររបស់ក្មេងរងគ្រោះឱ្យចុះមកដល់ រួចក៏ប្រគល់កាតាបនិងស្បែកជើង១គូឱ្យទៅក្រុមគ្រួសារយកត្រឡប់ទៅផ្ទះវិញ៕