លោក Trump និយាយថា ការកាត់បន្ថយពន្ធលើចិនគឺអាស្រ័យលើសកម្មភាពរបស់ទីក្រុងប៉េកាំង

លោកប្រធានាធិបតីអាមេរិក Donald Trump បាននិយាយថា ការកាត់បន្ថយពន្ធណាមួយ ដែលដាក់លើប្រទេសចិន នឹងអាស្រ័យលើសកម្មភាពរបស់មេដឹកនាំរបស់ខ្លួន។
លោកបាននិយាយនៅក្នុងការិយាល័យប្រធានាធិបតី Oval កាលពីថ្ងៃពុធសប្ដាហ៍នេះថា វាអាស្រ័យលើប្រទេសចិន ថាតើពន្ធអាចធ្លាក់ចុះក្នុងពេលឆាប់ៗនេះឬយ៉ាងណា ។
លោកបានបន្ថែមថាលោករំពឹងថានឹងធ្វើកិច្ចព្រមព្រៀងមួយ និងកំណត់តួលេខពន្ធចុងក្រោយលើប្រទេសចិនក្នុងរយៈពេលពីរឬបីសប្តាហ៍ខាងមុខ។
កាលពីដើមសប្តាហ៍នេះ លោកបានផ្តល់សញ្ញាថាលោកនឹងកាត់បន្ថយពន្ធចំនួន ១៤៥ ភាគរយលើការនាំចូលរបស់ចិនយ៉ាងច្រើន ប៉ុន្តែលោកមិនបានបញ្ជាក់ពីចំនួនប៉ុន្មាននោះទេ។
លោក Trump បានដំឡើងពន្ធនាំចូលចំនួន១៤៥ ភាគរយលើប្រទេសចិន ដែលប្រឆាំងនឹងការយកពន្ធ ១២៥ ភាគរយលើទំនិញរបស់សហរដ្ឋអាមេរិកចូលទៅចិន។
ប្រទេសចិនបានឆ្លើយតបដោយនិយាយថារដ្ឋបាលរបស់លោក Trump គួរតែឈប់ព្យាយាមសម្លុត និងគំរាមដៃគូពាណិជ្ជកម្មរបស់ខ្លួន។
ប្រភពពីអ្នកដឹងពីព័ត៌មានបាននិយាយថា សេតវិមានបើកទូលាយដើម្បីពិភាក្សាអំពីការកាត់បន្ថយអត្រាពន្ធយ៉ាងសំខាន់លើការនាំចូលរបស់ចិន ដើម្បីជំរុញការចរចាជាមួយទីក្រុងប៉េកាំង ស្របពេលដែលប្រទេសចិនតែងអះអាងដដែលៗថា ខ្លួននៅតែបើកទ្វារចំហសម្រាប់ការចរចាបន្ធូរបន្ថយសង្គ្រាមជាមួយសហរដ្ឋអាមេរិកនិច្ច៕