រៀបចំ “វេទិកាការងារ និងឱកាសកម្មសិក្សាការងារ”

នាថ្ងៃទី២៧ ខែមេសា ឆ្នាំ២០២៥ នេះ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយ សាសាស្រុក អង្គស្នួល និង ស.ស.យ.ក វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ បានរៀបចំ “វេទិកាការងារ និងឱកាសកម្មសិក្សាការងារ” រយៈពេលមួយថ្ងៃពេញ។

វេទិកាការងារនេះ បាននាំយកឱកាសការងារចំនួន ៣ ៥៣៦ កន្លែង ក្នុងមុខតំណែងផ្សេងៗគ្នាច្រើនពីក្រុមហ៊ុនធំៗ ៧ ដើម្បីផ្តល់ជូនយុវជន សិស្ស/និស្សិត និងអ្នកស្វែងរកការងារ នៅក្នុងបរិវេណវិទ្យាហ៊ុនសែន អង្គស្នួល ខេត្តកណ្តាល។ យុវជន អាចយកប្រវត្តិរូបសង្ខេប (CV) មកដាក់ពាក្យ និងសម្ភាសការងារភ្លាមៗជាមួយតំណាងក្រុមហ៊ុនទាំង ៧ ចាប់ពីពេលឥឡូវនេះ ដល់ម៉ោង ៥ ល្ងាច៕