នៅរសៀលថ្ងៃទី ៣ ខែសីហា ឆ្នាំ ២០២៥នេះ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អនុប្រធានអចិន្ត្រៃយ៍ កាកបាទក្រហមកម្ពុជា អនុប្រធានសមាគមគ្រូពេទ្យស្ម័គ្រចិត្ត យុវជនសម្តេចតេជោ (TYDA) និងជាអគ្គស្នងការនៃសមាគមកាយឫទ្ធិនារីកម្ពុជា និងក្រុមការងារ បានបន្តអញ្ជើញគោរពវិញ្ញាណក្ខន្ធសព វីរៈកងទ័ពម្នាក់ទៀត បានពលីជីវិតនៅក្នុងអំឡុងពេលប៉ះទង្គិចរវាងកងទ័ពកម្ពុជា-ថៃ នៅតាមបន្ទាត់ព្រំដែន កាលពីអំឡុងថ្ងៃទី ២៤ ដល់ថ្ងៃទី ២៨ ខែកក្កដា កន្លងទៅ ដោយឈរជើងការពារនៅ តំបន់ភ្នំទ្រព្យ។ ខណៈពេលនេះក្រុមគ្រួសារននៃសពបានយកមកធ្វើពិធីបុណ្យតាមប្រពៃណី នៅក្នុងភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ៕