លោកស្នងការខេត្តព្រៃវែង ឈឿន ប៊ុនឆន បានលើកឡើងថា តើខ្ញុំគួរលើកលែងឱ្យបុគ្គលឈ្មោះ ហ៊ន នេះបន្តឬយ៉ាងណា?

លោកស្នងការនគរបាលខេត្តព្រៃវែង ឈឿន ប៊ុនឆន បានលើកឡើងនិងបញ្ជាក់ នៅលើបណ្ដាញសង្គម ផ្ទាល់ខ្លួន ដោយលើកឡើង÷ ពីបុគ្គលឈ្មោះហ៊ននេះ ជាច្រើនលើកច្រើនសារតែងបង្ករបញ្ហាប៉ះពាល់ខ្ញុំ ប៉ុន្តែខ្ញុំក៏នៅលើកលែងអភ័យឱ្យ ។ យ៉ាងណាក៏ដោយ ម្សិលមិញនេះ ដោយសារគាត់ និងក្រុមបក្សពួកគាត់ចូលឆារឆៅកិច្ចការងារសមត្ថកិច្ចកំពុងអនុវត្តច្បាប់ ក៏បានធ្វើឱ្យការពន្លាតដែនសមត្ថកិច្ចក្នុងការបង្ក្រាបបទល្មើសដ៏ធំមួយត្រូវបរាជ័យ ។
ខ្ញុំនិងមន្ត្រីរបស់ខ្ញុំជាង១០០នាក់ បូករួមជាមួយមន្ត្រីមកពីនាយកដ្ឋានប្រឆាំងភេរវកម្មអគ្គស្នងការជាច្រើនរូប បានខិតខំស៊ើបអង្កេតស្រាវជ្រាវបទល្មើសនេះជាង២សប្តាហ៍មកហើយ ខិតខំរក្សាការសម្ងាត់ខ្ពស់បំផុត ប៉ុន្តែបុគ្គលឈ្មោះហ៊ន និងបក្សពួក ដើម្បីតែ Views និង Comments ធ្វើឱ្យកិច្ចការរបស់ខ្ញុំបរាជ័យ ។
សូមបញ្ជាក់ជូនថា ២ ឬ ៣ ថ្ងៃទៀត ខ្ញុំនឹងបង្ហាញជូនបទល្មើសដែលខ្ញុំនិងមន្ត្រីនគរបាលបានធ្វើ តើមានផលប្រយោជន៍ធំធេងបែបណាដល់ពលរដ្ឋខ្មែរ? ខ្ញុំតាមដានមើលក្នុង Comments មានពលរដ្ឋខ្មែរជាច្រើនសរសេរជេរនគរបាល ។ សំណួរចុងក្រោយ ចង់ចោទថា តើខ្ញុំគួរលើកលែងឱ្យបុគ្គលឈ្មោះ ហ៊ន នេះបន្តឬយ៉ាងណា? ៕