មនុស្សប្រុសស្រី៣នាក់ បានរងរបួស ខណះអ្នកបើកបររ៉ឺម៉កម៉ូតូងោកមួយភាំង ជ្រុលចង្កូតទៅបុករថយន្តស៊េរីទំនើបម៉ាកឡង់គ្រឺស័រមួយគ្រឿង កំពុងចតស្ងៀម

ភ្នំពេញ÷ហេតុការណ៍នេះកើតឡើងកាលពី ថ្ងៃទី ២៧ ខែមករាឆ្នាំ ២០២៦ នៅត្រង់ចំណុចមុខផ្សារពោធិចិនតុង តាមបណ្តោយផ្លូវសហព័ន្ធរុស្ស៊ី ដែលស្ថិតនៅក្នុងសង្កាត់កាកាបទី១ ខណ្ឌពោធិ៍សែនជ័យរាជធានីភ្នំពេញ។

ប្រភពព័ត៌មានបានបញ្ជាក់ថា មនុស្សប្រុសស្រី៣នាក់បានរងរបួសខណះបុរសម្នាក់បើកម៉ូតូរឺម៉កមួយគ្រឿងមានអ្នករួមដំណើរ២នាក់ទៀត ហើយអ្នកបើកបរទំនងងងុយដេកក៏ងោកមួយភាំងជ្រុលចង្កូតទៅបុករថយន្តស៊េរីទំនើបម៉ាកឡង់គ្រឺស័រមួយគ្រឿងពាក់លេខភ្នំពេញ2BX-5353កំពុងចតស្ងៀមពីក្រោយខាងឆ្វេងរងការខូចខាតយ៉ាងដំណំ ។
ក្រោយកើតហេតុជនរកគ្រោះប្រុសស្រីបីនាក់ត្រូវបានបញ្ជូនតាមម៉ូតូរឺម៉កមួយគ្រឿងយកទៅសង្គ្រោះនៅឯមន្ទីរពេទ្យ ចំណែករឺម៉កនិងរថយន្តសមត្ថកិច្ចជំនាញធ្វើការវាស់វែងយកទៅរក្សាទុករង់ចាំធ្វើការដោះស្រាយគ្នានៅពេលក្រោយ៕