ក្រសួងការងារ ដោះស្រាយកង្វល់កម្មកររោងចក្រ ជេ អេស ដោយជោគជ័យ និងឆាប់រហ័ស ខណៈកម្មករវិលចូលធ្វើការវិញ ជាធម្មតា
(ភ្នំពេញ)៖ ក្រសួងការងារ និងបណ្ដុះបណ្ដាលវិជ្ជាជីវៈ បានដោះស្រាយដោយជោគជ័យ និងឆាប់រហ័សនូវកង្វល់របស់បងប្អូនកម្មករនិយោជិតនៅរោងចក្រ ជេ អេស (JS Leather Collection Phnom Penh Co., Ltd.) ដោយភាគីពាក់ព័ន្ធទាំងអស់បានឈានដល់កិច្ចព្រមព្រៀងរួម បញ្ចប់វិវាទការងារដោយសន្តិវិធី ហើយកម្មករនិយោជិតបានវិលត្រឡប់ចូលបម្រើការងារជាធម្មតាវិញ ចាប់ពីថ្ងៃទី៤ ខែសីហា ឆ្នាំ២០២៦។
លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា បងប្អូនកម្មករនិយោជិតបានចូលបំពេញការងារតាមធម្មតាវិញនៅព្រឹកនេះ បន្ទាប់ពីពួកគាត់បានទទួលយកដំណើរការសម្របសម្រួល ដែលឈរលើគោលការណ៍សន្ទនា ការយោគយល់គ្នាទៅវិញទៅមក ការគោរពសិទ្ធិ និងកាតព្វកិច្ចរបស់ភាគីពាក់ព័ន្ធ ព្រមទាំងការអនុវត្តស្របតាមច្បាប់ និងបទប្បញ្ញត្តិការងារជាធរមាន។
