កោះកុង | នៅឯច្រកទ្វារព្រំដែនអន្តរជាតិចាំយាម នៅព្រឹកថ្ងៃទី៤សីហានេះ មានពលករខ្មែរជាច្រើននាក់ បាននាំគ្នាចាកចេញពីប្រទេសថៃចូលមកស្រុកកំណើតវិញ។ គ្មានបាតុភាពអ្វីគួរឱ្យកត់សម្គាល់នោះឡើយ ខណៈមន្រ្តីសមត្ថកិច្ចពាក់ព័ន្ធប្រចាំការនៅច្រក បានជួយសម្របសម្រួលចុះទិន្នន័យពលករ និងរក្សាសន្តិសុខសណ្តាប់ធ្នាប់ជូនពលរដ្ឋ និងក្រុមពលករខ្មែរ និងដឹកជញ្ជូនពួកគេទៅកាន់ទីតាំងសំចតបណ្តោះអាសន្ន នៅសាខាកាកបាទក្រហមខេត្តកោះកុង ដើម្បីដឹកជញ្ជូនបន្តទៅស្រុកកំណើត។