បញ្ជូនជនពាក់ព័ន្ធ២នាក់ ក្រោយសមត្ថកិច្ចបង្ក្រាបករណីខុសច្បាប់ ! បានបញ្ជូនជនពាក់ព័ន្ធចំនួន ២នាក់ ទៅកាន់សាលាដំបូងខេត្ត

នៅថ្ងៃទី៣១ ខែមករា ឆ្នាំ២០២៦ ដើម្បីអនុវត្តតាមនីតិវិធីច្បាប់ បន្ទាប់ពីសមត្ថកិច្ចបានបង្ក្រាបករណីពាក់ព័ន្ធនឹងសារធាតុញៀន និងការកាន់កាប់អាវុធដោយគ្មានការអនុញ្ញាត។
តាមការបញ្ជាក់ពីសមត្ថកិច្ច កាលពីរសៀលថ្ងៃទី២៩ ខែមករា ឆ្នាំ២០២៦ កម្លាំងមូលដ្ឋានកងរាជអាវុធហត្ថក្រុងសិរីសោភ័ណ បានចុះប្រតិបត្តិការត្រួតពិនិត្យនៅក្នុងភូមិសូភី សង្កាត់កំពង់ស្វាយ និងបានឃាត់ខ្លួនបុគ្គលពាក់ព័ន្ធចំនួន ២នាក់ ព្រមទាំងដកហូតសម្ភារៈជាច្រើនដែលសង្ស័យថាពាក់ព័ន្ធនឹងអំពើខុសច្បាប់។
ប្រតិបត្តិការនោះ សមត្ថកិច្ចបានរកឃើញ និងរឹបអូសសារធាតុញៀនជាច្រើនប្រភេទ រួមទាំងសម្ភារៈប្រើប្រាស់ និងមធ្យោបាយធ្វើដំណើរមួយចំនួន សម្រាប់បម្រើការស៊ើបអង្កេតបន្ថែមតាមផ្លូវច្បាប់។
លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើស បានឲ្យដឹងថា ប្រតិបត្តិការនេះអនុវត្តឡើងតាមបទបញ្ជារបស់ថ្នាក់ដឹកនាំកងរាជអាវុធហត្ថខេត្ត និងមានការសម្របសម្រួលត្រឹមត្រូវពីអយ្យការអមសាលាដំបូងខេត្ត ដើម្បីធានាថាការអនុវត្តច្បាប់ប្រព្រឹត្តទៅដោយត្រឹមត្រូវ និងមានប្រសិទ្ធភាព។
ជនពាក់ព័ន្ធទាំង ២នាក់ កំពុងស្ថិតក្រោមការដំណើរការនីតិវិធីតាមច្បាប់៕