កិច្ចចរចាអាមេរិក-អ៊ីរ៉ង់ បានចូលដល់ថ្ងៃទី២ បន្ទាប់ពីការគំរាមរបស់លោក Trump និងការបិទច្រកសមុទ្រ Hormuz

កិច្ចចរចាសន្តិភាពរវាងអ៊ីរ៉ង់ និងសហរដ្ឋអាមេរិកនៅប្រទេសស្វីសបានបន្តដល់ថ្ងៃទី ២នៅថ្ងៃចន្ទ ២២មិថុនានេះ បន្ទាប់ពីការបើកដ៏តានតឹងមួយដោយទីក្រុងតេអេរ៉ង់ប្រកាសថាខ្លួនបានបិទច្រកសមុទ្រ Hormuz ម្តងទៀត ហើយប្រធានាធិបតីសហរដ្ឋអាមេរិក លោក Donald Trump បាននិយាយឡើងវិញនូវការគំរាមកំហែងរបស់លោកដើម្បីបន្តការវាយប្រហារលើអ៊ីរ៉ង់។
អនុប្រធានាធិបតីលោក JD Vance បានចរចាជាមួយក្រុមមន្ត្រីអ៊ីរ៉ង់កាលពីថ្ងៃអាទិត្យនៅរមណីយដ្ឋានភ្នំ ប៊ើហ្គិនស្តុក (Buergenstock) របស់ប្រទេសស្វីសដែលគ្រប់គ្រងដោយប្រទេសកាតា ដើម្បីបើកកិច្ចចរចាក្រោមលក្ខខណ្ឌនៃអនុស្សរណៈនៃការយោគយល់គ្នាដែលសម្រេចបានកាលពីសប្តាហ៍មុន ដើម្បីពង្រីកបទឈប់បាញ់ដ៏ទន់ខ្សោយចាប់ពីខែមេសាយ៉ាងហោចណាស់៦០ ថ្ងៃទៀត។
មុនពេលកិច្ចចរចាចាប់ផ្តើមជាផ្លូវការកាលពីថ្ងៃអាទិត្យ ទូរទស្សន៍ Fox News បានរាយការណ៍ថា លោក Trump បាននិយាយថាលោកបានប្រាប់ក្រុមមន្ត្រីអ៊ីរ៉ង់ថា អ្នកនឹងមិនមានប្រទេសទេ” ប្រសិនបើពួកគេព្យាយាមបិទច្រកសមុទ្រម្តងទៀត និងបន្តគាំទ្រក្រុមហេសបូឡា នៅលីបង់។ លោក Trump ក៏បានបញ្ជាក់ជាថ្មីនូវការគំរាមកំហែងពីមុនផងដែរថាសហរដ្ឋអាមេរិកនឹងកាន់កាប់ផ្លូវទឹកនេះ ហើយអាចគិតថ្លៃសេវាដោយខ្លួនឯងទៀតផង។
ប្រភពព័ត៌មានរបស់សហរដ្ឋអាមេរិក និងអ៊ីរ៉ង់បានផ្តល់របាយការណ៍ដាច់ដោយឡែកអំពីការពិភាក្សានៅក្នុងប្រទេសស្វីស។
ចំណែកទីភ្នាក់ងារសារព័ត៌មានពាក់កណ្តាលផ្លូវការរបស់អ៊ីរ៉ង់ Tasnim ដោយដកស្រង់ប្រភពព័ត៌មានមួយ បាននិយាយថា បន្ទាប់ពីការគំរាមកំហែងរបស់លោក Trump បានក្លាយជាសាធារណៈ គណៈប្រតិភូអ៊ីរ៉ង់បានបដិសេធមិនព្រមត្រឡប់ទៅបន្ទប់ដែលកិច្ចចរចាត្រូវធ្វើឡើងនោះទេ ទោះបីជាសារនៅតែត្រូវបានដោះដូរតាមរយៈក្រុមអ្នកសម្របសម្រួលប៉ាគីស្ថាន និងកាតាក៏ដោយ៕