នគរបាលស្រាវជ្រាវឃាត់ខ្លួនក្មេងទំនើង៥នាក់ ពាក់ព័ន្ធករណីបង្កភាពអនាធិបតេយ្យ

ខេត្តតាកែវ៖ កម្លាំងនគរបាលស្រុកទ្រាំង ស្រាវជ្រាវឃាត់ខ្លួនក្មេងទំនើង ០៥នាក់ ដកហូតវត្ថុតាងអាវុធ និងម៉ូតូ ពាក់ព័ន្ធករណីបង្កភាពអនាធិបតេយ្យ។ សមត្ថកិច្ច ទទួលបានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ ដើម្បីកសាងសំណុំរឿងបញ្ជូនទៅកាន់តុលាការ។
ប្រភពបានឱ្យដឹងថា កាលថ្ងៃទី១៤ ខែតុលា ឆ្នាំ២០២៦ វេលាម៉ោង ១៧:០០ នាទី ដោយមានការសម្របសម្រួលនីតិវិធីពី លោក ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ, កម្លាំងផ្នែកជំនាញ នៃអធិការដ្ឋាននគរបាលស្រុកទ្រាំង បានបើកប្រតិបត្តិការ ស្រាវជ្រាវ និងឃាត់ខ្លួនជនសង្ស័យ ក្រុមenumក្មេងទំនើងបានចំនួន៥ នាក់ មកធ្វើការសាកសួរតាមនីតិវិធី។
ហេតុការណ៍កើតឡើងកាលពីវេលាម៉ោង ១៨:៤០ នាទីល្ងាច ថ្ងៃទី១៣ ខែតុលា ឆ្នាំ២០២៦ មានករណីក្រុមឱ្យក្មេងទំនើងបង្កភាពអនាធិបតេយ្យ បានកើតឡើងនៅលើផ្លូវបេតុង ស្ថិតក្នុងភូមិគ ឃុំអង្គខ្នុរ ស្រុកទ្រាំង បណ្តាលឱ្យមានការខូចខាតម៉ូតូចំនួន ០២ គ្រឿង។
ការដកហូតវត្ថុតាង នៅក្នុងប្រតិបត្តិការឃាត់ខ្លួនជនសង្ស័យទាំង ០៥នាក់នោះ សមត្ថកិច្ចដកហូតបានវត្ថុតាងរួមមាន កាំបិតកែច្នៃចំនួន ០១ដើម និងដាវចំនួន ០១ដើម។
ជនសង្ស័យទាំង ០៥នាក់ រួមជាមួយវត្ថុតាង ត្រូវបានសមត្ថកិច្ចជំនាញកសាងសំណុំរឿងបញ្ជូនទៅកាន់សាលាដំបូងខេត្តតាកែវ ដើម្បីចាត់ការបន្តតាមនីតិវិធីច្បាប់ ៕