ក្រសួងការបរទេស និងសហប្រតិបត្តិការអន្តរជាតិ សូមរលឹកឡើងវិញនូវការប្ដេជ្ញាចិត្តឥតប្រែប្រួលរបស់រាជរដ្ឋាភិបាលកម្ពុជា ក្នុងការស្វែងរកដំណោះស្រាយដោយស្មារតី មិត្តភាពចំពោះជម្លោះព្រំដែនជាមួយប្រទេសជិតខាងទាំងអស់ តាមសន្តិវិធីស្របតាមច្បាប់អន្តរជាតិ ដោយបន្តរក្សាការប្ដេជ្ញាចិត្តយ៉ាងម៉ឺងម៉ាត់ ប្រកាន់នូវជំហរ និងគោលការណ៍របស់ខ្លួនថា ព្រំដែនមិនត្រូវបានផ្លាស់ប្ដូរតាមរយៈនៃការប្រើកម្លាំងនោះទេ។