មនុស្សជិត៣០នាក់ស្លាប់ និងរាប់ពាន់នាក់ត្រូវបានជម្លៀស ខណៈទឹកជំនន់បង្កមហន្តរាយក្នុងរដ្ឋ Punjab របស់ឥណ្ឌា

យោងតាមសេចក្តីថ្លែងការណ៍ផ្លូវការរបស់រដ្ឋាភិបាលកាលពីថ្ងៃចន្ទសប្ដាហ៍នេះបានឱ្យដឹងថា ភ្លៀងរដូវមូសុងដ៏ខ្លាំងក្លាបានបង្កឱ្យមានទឹកជំនន់ដ៏បំផ្លិចបំផ្លាញនៅក្នុងរដ្ឋ Punjab ភាគខាងជើងរបស់ប្រទេសឥណ្ឌា ដោយបានបណ្តាលឱ្យមនុស្សយ៉ាងហោចណាស់ ២៩ នាក់បានស្លាប់ និងរាប់ពាន់នាក់ត្រូវបានជម្លៀសចេញពីលំនៅឋាន។
យោងតាមសេចក្តីថ្លែងការណ៍របស់រដ្ឋាភិបាលរដ្ឋ Punjab មនុស្សប្រហែល ១៦.០០០នាក់ ត្រូវបានជម្លៀសចេញ។
លោក Bhagwant Mann រដ្ឋមន្រី្តប្រចាំរដ្ឋបាននិយាយថា បច្ចុប្បន្នរដ្ឋនេះកំពុងប្រឈមនឹងគ្រោះមហន្តរាយទឹកជំនន់ដ៏ធ្ងន់ធ្ងរបំផុតមួយក្នុងចំណោមគ្រោះមហន្តរាយទឹកជំនន់ដ៏ធ្ងន់ធ្ងរបំផុតជាច្រើនក្នុងរយៈពេលជាច្រើនទសវត្សរ៍ ស្របពេលទឹកជំនន់បានប៉ះពាល់ដល់ភូមិប្រហែល ១.០០០ ។ ភ្លៀងមូសុងដ៏ខ្លាំងក្លា និងការបញ្ចេញទឹកពីទំនប់ បានបណ្តាលឱ្យមានការបំផ្លិចបំផ្លាញទ្រង់ទ្រាយធំនៅក្នុងស្រុកចំនួនប្រាំពីរនៃរដ្ឋ Punjab ។
មន្ត្រីរដ្ឋាភិបាលរដ្ឋ Punjab បាននិយាយថា ដីស្រែចំការចំនួន៣០០.០០០ ហិចតា ពិសេសវាលស្រែ នៅតែលិចលង់ដោយសារទឹកជន់លិច ដែលនាំឱ្យមានការបំផ្លិចបំផ្លាញដំណាំកសិកម្មប៉ុន្មានសប្តាហ៍មុនពេលប្រមូលផល ។ ដោយសារភ្លៀងនៅតែបន្តធ្លាក់ គ្រឹះស្ថានអប់រំត្រូវបានបិទរហូតដល់ថ្ងៃទី៣ ខែកញ្ញា៕