បុរសម្នាក់ បើករថយន្តមួយគ្រឿង ក្នុងល្បឿនលឿនខ្វះការប្រុងប្រយ័ត្ន ក៏រ៉េចង្កូតជ្រុលទៅបុកខឿនរួចបន្តទៅបុកបង្គោលភ្លើងបំភ្លឺផ្លូវ

ភ្នំពេញ៖ បុរសម្នាក់បានបើករថយន្តស៊រីទំនើបម៉ាកMAYBACHមួយគ្រឿង ក្នុងល្បឿនលឿនខ្វះការប្រុងប្រយ័ត្នក៏រ៉េចង្កូតជ្រុលទៅបុកខឿនរួចបន្តទៅបុកបង្គោលភ្លើងបំភ្លឺផ្លូវបាកទ្រេតចំនួនមួ៦ដើមចំណែកឯរថយន្តរងការខូចខាតមួយកំណាត់មុខយ៉ាងដំណំ។

ហេតុការណ៍គ្រោះថ្នាក់ចរាចរណ៍នេះដែរបានកើតឡើងកាលពី ថ្ងៃទី ១២ ខែវិច្ឆិកាឆ្នាំ២០២៥ ស្ថិតនៅលើផ្លូវជាតិលេខ ១ ក្នុងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

នៅមុនពេលកើតហេតុគេឃើញរថយន្តបុរសម្នាក់បានបេីករថយន្ដស៊េរីទំនើបម៉ាក MAYBACHពណ៌ខ្មៅមួយគ្រឿង ពាក់ផ្លាកលេខភ្នំពេញ2CB-3898 ធ្វើដំណើរតាមបណ្ដោយផ្លូវជាតិលេខ ១ ទិសដៅពីកើតទៅលិចក្នុងល្បឿនយ៉ាងលឿនលុះពេលបើកមកដល់ចំណុចកើតហេតុខាងលើស្រាប់តែរ៉េចង្កូតបុកឡើងខឿនរួចបន្តទៅបុកបង្គោលភ្លើងបំភ្លឺផ្លូវបាក់ទ្រេតមួយដើម ចំណែកឯរថយន្តបង្កវិញរងការខូចខាតផ្នែកខាងមុខយ៉ាងដំណំ សំណាងល្អម៨នបង្កឲ្យមានគ្រោះថ្នាក់ដល់មនុស្សហើយភ្លាមនោះដែរបុរសជាអ្នកបើករថយន្តបង្កបានបើកទ្វាររត់គេចខ្លួនចេញពីកន្លែងកើតហេតុបាត់ស្រមោលបន្សល់ទុកនៅតែរថយន្តតែប៉ុណ្ណោះ។

សមត្ថកិច្ចមូលដ្ឋានសហការជាមួយនឹងមន្ត្រីជំនាញចរាចរណ៍ចុះទៅដល់រួចវាស់វែងស្ទួចយករថយន្តបង្កនេះទៅរក្សាទុកនៅការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំការដោះស្រាយគ្នានៅពេលក្រោយ៕