អំណោយដ៏ថ្លៃថ្លារបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត គ្រប់កាលៈទេសៈណា សម្ដេចតែងតែយកចិត្តទុកដាក់ចំពោះគ្រួសារយោធិន រាល់ការលំបាកនានា តាមរយៈ ឯកឧត្តម ឧត្តមសេនីយ៍ទោ សំ ភ័ស្ស មេបញ្ជាការបញ្ជាការដ្ឋានជាតិកម្លាំងពិសេសប្រឆាំងភេរវកម្ម។
រាជធានីភ្នំពេញ ៖ នារសៀលថ្ងៃព្រហស្បត្តិ៍ ១៤កើត ខែមិគសិរ ឆ្នាំម្សាញ់ សប្តស័ក ព.ស២៥៦៩
ត្រូវនឹងថ្ងៃទី៤ ខែធ្នូ ឆ្នាំ២០២៥
លោក វរសេនីយ៍ទោ ប៊ិន បឿន នាយការិយាល័យអប់រំចិត្តសាស្រ្ត និងនយោបាយ បញ្ជាការដ្ឋានជាតិកម្លាំងពិសេសប្រឆាំងភេរវកម្ម បាននាំយកថវិកាផ្ទាល់របស់ សម្ដេចមហាបវរធិបតី និងលោកជំទាវបណ្ឌិត ប្រគល់ជូនអនុសេនីយ៍ត្រី មែ សិលា នាយផ្នែក គណនី ការិយាល័យហិរញ្ញវត្ថុ ស្ថិតនៅគេហដ្ឋាន ភូមិ ព្រែកថ្លឹង សង្កាត់ព្រែកកំពឹស ខណ្ឌដង្កោ រាជធានីភ្នំពេញ
ការឧបត្ថម្ភរួមមាន៖
-ថវិកាចំនួន ៨០០,០០០រៀល
-អង្ករចំនួន ០៣បេ
-សម្ភារៈទារកនិងម្ដាយ ចំនួន០១ឈុត
ជាមួយគ្នានេះ សម្ដេចមហាបវរធិបតី និងលោកជំទាវបណ្ឌិត ក៏បានធ្វើការផ្តាំផ្ញើរសួរសុខទុក្ខ និងជូនពរម្ដាយព្រមទាំងកូនទទួលបានសុខភាពល្អ
លោកស្រី អនុសេនីយ៍ត្រី មែ សិលា ជំនួសមុខជូនក្រុមគ្រួសារ សូមគោរពថ្លែងអំណរគុណ យ៉ាងខ្ពង់ខ្ពស់ជូនចំពោះ សម្ដេចធិបតី និងលោកជំទាវបណ្ឌិត ព្រមទាំងថ្នាក់ដឹកនាំអង្គភាព ដែលតែងតែយកចិត្តទុកដាក់គិតគូរដល់សុខទុករបស់យោធិន និងក្រុមគ្រួសារគ្រប់កាលៈទេសៈ និងសូមគោរពជូនពរដ៏ខ្ពង់ខ្ពស់ចំពោះ សម្ដេចធិបតី និងលោកជំទាវបណ្ឌិត ព្រមទាំងក្រុមគ្រួសារ បុត្រា បុត្រី សូមទទួលបាននូវសុខភាពល្អបរិបូរណ៍ ជន្មាយុយឺនយូរ សម្រេចជោគជ័យគ្រប់ភារកិច្ច ដេីម្បីដឹកនាំអភិវឌ្ឍន៍ប្រទេសជាតិឆ្ពោះទៅរកភាពរីកចម្រើន និងសូមជួបតែពុទ្ធពរបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
