ឯកឧត្តមបណ្ឌិត ជ្រុន ថេរ៉ាវ៉ាត បានអញ្ជើញដឹកនាំកិច្ចប្រជុំគណៈប្រចាំការ នៃគណៈអចិន្ត្រៃយ៍យុវជនគណបក្សថ្នាក់កណ្តាល

កិច្ចប្រជុំនេះដោយមានការចូលរួមពី ឯកឧត្តម អនុប្រធាន សមាជិក សមាជិកាគណៈប្រចាំការ នៃគណៈអចិន្ត្រៃយ៍យុវជនគណបក្សថា្នក់កណ្តាល, ឯកឧត្តមប្រធានផ្នែក, ឯកឧត្តមតំណាងប្រធានលេខាធិការដ្ឋាន និងផ្នែកចំណុះយ.គ.ក, ព្រមទាំងមន្រ្តីគណបក្ស និងក្រុមជំនួយការលេខាធិការដ្ឋានគណ:ប្រចាំ។

កិច្ចប្រជុំគណៈប្រចាំការនៃគណៈអចិន្ត្រៃយ៍យុវជនគណបក្សថ្នាក់កណ្តាល លើកទី២២នេះ បានពិនិត្យពិភាក្សា និងសម្រេចលើរបៀបវារៈសំខាន់ៗ ដែលជាភារកិច្ចជាអាទិភាពចំពោះមុខរបស់យុវជនគណបក្សសំដៅពង្រឹងកិច្ចការរបស់យុវជនគណបក្សក្នុងឆ្នាំ២០២៦ សម្រាប់ត្រៀមលក្ខណៈឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នាពេលខាងមុខ សំដៅធានាប្រសិទ្ធភាព និងនិរន្តភាពការងារយុវជនគណបក្សប្រជាជនកម្ពុជា ក្រោមការដឹកនាំដ៏ស្វាហាប់ និងគតិបណ្ឌិតរបស់សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល ។