ឃាត់ខ្លួនពលករខ្មែរ ១៨នាក់ បម្រុងលួចឆ្លងដែនខុសច្បាប់ចូលទៅប្រទេសថៃ

[ខេត្តស្រះកែវ] – កម្លាំងទាហានព្រានថៃ លេខ១៣០១ បានធ្វើការឃាត់ខ្លួនពលករខ្មែរមួយក្រុម ខណៈកំពុងព្យាយាមលួចឆ្លងដែនខុសច្បាប់តាមច្រករបៀងធម្មជាតិ ដើម្បីទៅស្វែងរកការងារធ្វើនៅប្រទេសថៃ។
ការបង្ក្រាបនេះបានធ្វើឡើងនៅចំណុច ភូមិណូនផាត់ថៈណា (Ban Non Phatthana) ឃុំផានសឹក ស្រុកអារញ្ញប្រាថេត ខេត្តស្រះកែវ។ ចំណុចនេះគឺជាតំបន់ព្រំដែនដែលស្ថិតនៅ ទល់មុខនឹងស្រុកម៉ាឡៃ ខេត្តបន្ទាយមានជ័យ ប្រទេសកម្ពុជាយើង។កាលបរិច្ឆេទ៖ ថ្ងៃទី២៦ ខែមេសា ឆ្នាំ២០២៦
ចំនួនមនុស្ស៖ សរុប ១៨ នាក់ (ប្រុស ៩ នាក់, ស្រី ៩ នាក់)ក្រុមពលករបានដើរតាមផ្លូវលំធម្មជាតិ ក៏ត្រូវកម្លាំងល្បាតប្រទះឃើញ និងឃាត់ខ្លួនតែម្ដង។ពួកគាត់បានឱ្យដឹងថា បានជួលមេខ្យល់ជាជនជាតិខ្មែរ (មិនស្គាល់ឈ្មោះ) ដោយបង់ប្រាក់ម្នាក់ ៨,០០០ បាទ ជាថ្នូរនឹងការនាំផ្លូវឆ្លងដែន និងមានរថយន្តចាំទទួលបន្តនៅฝั่งថៃ។ គោលដៅគឺធ្វើដំណើរទៅធ្វើការនៅទីក្រុងបាងកក, ខេត្តសមុទ្រប្រាកាន និងខេត្តនគររាជសីមា (កូរ៉ាត)។បច្ចុប្បន្ន ជនសង្ស័យទាំងអស់ត្រូវបានបញ្ជូនទៅកាន់ ប៉ុស្តិ៍នគរបាលខ្លងណាំសៃ (Klong Nam Sai) ដើម្បីចាត់ការតាមនីតិវិធីច្បាប់ និងធ្វើការរុញច្រានត្រឡប់មកវិញតាមនីតិវិធីព្រំដែន។សូមបងប្អូនប្រជាពលរដ្ឋ មេត្តាកុំចាញ់បោកមេខ្យល់ដែលអូសទាញឱ្យឆ្លងដែនខុសច្បាប់ ព្រោះក្រៅពីខាតបង់ប្រាក់កាស បងប្អូនអាចប្រឈមនឹងគ្រោះថ្នាក់ និងការជាប់ពន្ធនាគារនៅក្នុងប្រទេសជិតខាងផងដែរ។