ព្រះករុណា ព្រះមហាក្សត្រ និងសម្តេចម៉ែ នឹងយាងមកមាតុប្រទេសវិញ នៅថ្ងៃស្អែក

( ភ្នំពេញ) ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គទាំងទ្វេនឹងស្តេចយាងនិវត្តន៍មកកាន់មាតុប្រទេសវិញ នៅថ្ងៃអាទិត្យ ទី១២ ខែតុលា ឆ្នាំ២០២៥ បន្ទាប់ពីទ្រង់បានយាងគង់ប្រថាប់ពិនិត្យព្រះរាជសុខភាពនៅទីក្រុងប៉េកាំង សាធារណរដ្ឋប្រជាមានិតចិន អស់មួយរយៈពេលកន្លងមក ៕