ស្រ្តីម្នាក់ ប្រកបមុខរើសអេតចាយបានបាត់កូនប្រុស ហើយបានទៅសម្ភាសន៍ជាមួយសារព័ត៌មាន ឲ្យជួយផ្សព្វផ្សាយរកកូនប្រុសដែលបានបាត់ ការពិតគឺកូនប្រុសគាត់ ឃាត់ខ្លួនពាក់ព័ន្ធប្រើប្រាស់គ្រឿងញៀន

ភ្នំពេញ ៖ ស្រ្តីម្នាក់ ប្រកបមុខរើសអេតចាយបានបាត់កូនប្រុស ហើយបានទៅសម្ភាសន៍ជាមួយសារព័ត៌មាន ឲ្យជួយផ្សព្វផ្សាយរកកូនប្រុសដែលបានបាត់ ការពិតគឺកូនប្រុសគាត់ត្រូវបានកម្លាំងគណៈបញ្ជាសង្កាត់ទួលសង្កែ១ ខណ្ឌប្ញស្សីកែវ ឃាត់ខ្លួនពាក់ព័ន្ធប្រើប្រាស់គ្រឿងញៀនក្នុងចំណោមអ្នកប្រើប្រាស់គ្រឿងញៀន៧នាក់ ដែលត្រូវបានបញ្ជូនទៅមន្ទីរសង្គមកិច្ច រាជធានីភ្នំពេញ ដើម្បីបញ្ជូនបន្តទៅមណ្ឌលស្តារកាយសម្បទានៅមណ្ឌលឱកាសខ្ញុំ ។

សូមបញ្ជាក់ថា:នៅថ្ងៃទី១០ ខែសីហា ឆ្នាំ២០២៦ វេលាម៉ោង ០៥ និង ០០នាទី គណៈបញ្ជាការឯកភាពសង្កាត់ទួលសង្កែទី១បានចុះរដ្ឋបាលប្រមូលជនប្រេីប្រាស់គ្រឿងញៀន នៅភូមិផ្សារតូច ក្នុងសង្កាត់ទួលសង្កែទី១ ដោយបានចំនួន ០៧នាក់ (ស្រី០នាក់) ដែលមានឈ្មោះដូចខាងក្រោមៈ
១-ឈ្មោះ អ៊ុំ ចាន់ដារ៉ា ភេទប្រុស អាយុ៣៤ឆ្នាំ (ប្រើប្រាស់គ្រឿងញៀន)
២-ឈ្មោះ សៅ នាថ ភេទប្រុស អាយុ២៥ឆ្នាំ (ប្រើប្រាស់គ្រឿងញៀន)
៣-ឈ្មោះ ហ៊ូ សុភា ភេទប្រុស អាយុ៣៩ឆ្នាំ (ប្រើប្រាស់គ្រឿងញៀន)
៤-ឈ្មោះ តាយ សុជា ភេទប្រុស អាយុ២៦ឆ្នាំ (ប្រើប្រាស់គ្រឿងញៀន)
៥-ឈ្មោះ អ៊ួន ចាន់ធី ភេទប្រុស អាយុ៤២ឆ្នាំ (ប្រើប្រាស់គ្រឿងញៀន)
៦-ឈ្មោះ ឃ្វាង យាងយូ ភេទប្រុស អាយុ៤៦ឆ្នាំ (ប្រើប្រាស់គ្រឿងញៀន)
៧-ឈ្មោះ សុខ ស្រីម៉ី ភេទស្រី អាយុ៣០ឆ្នាំ (ប្រើប្រាស់គ្រឿងញៀន)
-ចំពោះប្រេីប្រាស់គ្រឿងញៀនដែលមានឈ្មោះខាងលើ កម្លាំងប៉ុស្តិ៍បានប្រគល់ជូនទៅការិយាល័យសង្គមកិច្ចខណ្ឌឫស្សីកែវ ដើម្បីបន្តនីតិវិធី។
ដោយឡែកចំពោះស្រ្តីជាម្តាយបានសម្ភាសន៍ជាមួយសារព័ត៌មាន ថាបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលទួលសង្កែ១ ហើយបានជួបនាយប៉ុស្តិ៍ នៅពេលនោះនាយប៉ុស្តី៍ក័បានប្រាប់គាត់ផងដែរ កូនមីងសមត្ថកិច្ចបានបញ្ជូនទៅមណ្ឌលស្តារកាយសម្បទានៅមណ្ឌលឱកាសខ្ញុំ ពាក់ព៏ន្ធប្រើប្រាស់គ្រឿងញៀន៕