សមត្ថកិច្ចបង្ក្រាបក្រុងក្មេងទំនើងបានជាច្រើននាក់ នៅក្នុងភូមិសាស្ត្រស្រុកថ្ពង

ខេត្តកំពង់ស្ពឺ ៖កាលពីរសៀល ថ្ងៃទី០៩ ខែមិនា ឆ្នាំ ២០២៦ កម្លាំងនគរបាល នៃអធិការដ្ឋាននគរបាលស្រុកថ្ពង ស្រាវជ្រាវនិងឈានទៅឃាត់បានក្រុមក្មេងទំនេីង ដែលបានធ្វេីការបង្ហោះខ្លឹមសារតាមរយៈបណ្ដាញសង្គមក្នុងចេតនាបង្កហេតុដល់គូរភាគីម្ខាងទៀត៖
(១)- គណនី ហ្វេសបុក ឈ្មោះ មិថុនា បានបង្ហោះខ្លឹមសារ “ បេីមិនចង់ងាប់កុំប៉ះក្មេងត្រពាំងត្រោក ”
(២)- គណនី ហ្វេសបុក ឈ្មោះPao បានបង្ហោះខ្លឹមសារ “ បេីស្រលាញ់ជិវិតកុំប៉ះត្បែងជាប់ ”

(៣)- គណនី ហ្វេសបុក ឈ្មោះBA បានបង្ហោះខ្លឹមសារ “ បេីស្រលាញជីវិតកុំប៉ះក្មេងវត្ដត្បែង ”
(៤)- គណនី ហ្វេសបុក RAVIបានបង្ហោះខ្លឹមសារ “ បេីចង់រស់កុំមកភូមិត្រាញវែង ”

(៥)- គណនី ហ្វេសបុក ឈ្មោះOGBaZZ ដែលបានបង្ហោះខ្លឹមសារ “ បេីចង់មានជីវិតកុំចូលភូមិឡ ”
លោកវរសេនីយ៍ឯក ហ៊ុន សុខហុន អធិការនគរបាលស្រុកថ្ពង បានបញ្ជាឲ្យលោកវរសេនីយ៍ទោ ហ៊ុន សុខពិសិដ្ឋ អធិការរង ទទួលផ្នែកព្រហ្មទណ្ឌ ចុះសហកាបង្រ្កាប ឃាត់បានក្រុមក្មេងទំនេីងជាច្រេីននាក់ យកមកថតរូបនៅដងទង់ជាតិនិងធ្វេីកិច្ចសន្យានៅអធិការដ្ឋាននគរបាលស្រុកថ្ពង រួចបានឲ្យវិលត្រឡប់ទៅគេហដ្ឋានវិញ។
(១)-ឈ្មោះ ម៉ៅ វុទ្ធី ភេទប្រុសអាយុ ១៧ឆ្នាំ
(២)-ឈ្មោះ មេន សុគាភេទប្រុស អាយុ១៨ឆ្នាំ
(៣)-ឈ្មោះ វ៉ាត រ៉ាវី ភេទប្រុសអាយុ១៨ឆ្នាំ អ្នកទាំង៣រស់នៅភូមិត្រពាំងត្រោកឃុំប្រាំបីមុមស្រុកថ្ពង
(៤)-ឈ្មោះ ថា សុខឡាង ភេទប្រុស អាយុ១៩ឆ្នាំ
(៥)-ឈ្មោះ គឿន សុគាន់ ភេទប្រុស អាយុ១៧ឆ្នាំ ទាំង២ រស់នៅភូមិត្បែងប្រជាប់ឃុំប្រាំបីមុមស្រុកថ្ពង
(៦)-ឈ្មោះ ជៀម ថៃ ភេទប្រុស អាយុ២៥ឆ្នាំ
(៧-ឈ្មោះ ហុឺន វន ភេទប្រុស អាយុ២៣ឆ្នាំ
(៨)-ឈ្មោះ ទ្រាង ភារម្យ ភេទប្រុស អាយុ១៩ឆ្នាំ
(៩)-ឈ្មោះ រីម នរៈ ភេទប្រុស អាយុ២៣ឆ្នាំ អ្នកទាំង៤រស់នៅភូមិឡ ឃុំប្រាំបីមុម ស្រុកថ្ពង
(១០)-ឈ្មោះ អម ង៉េង ភេទប្រុស អាយុ១៣ឆ្នាំ នៅភូមិស្វាយឃុំយាអង្គ ស្រុកថ្ពង
ដោយមានការអនុញ្ញាតពីលោកអភិបាលស្រុកថ្ពង និងការអនុញ្ញាតពីលោកអធិការនគរបាលស្រុក កំលាំងនគរបាលផ្នែកព្រហ្មទណ្ឌបានអញ្ជេីញអាណាព្យាបាលមកធ្វេីកិច្ចសន្យាអប់រំទូន្មានប្រៀនប្រដៅកូនៗត្រូវតែខិតខំរៀនសូត្រនិងចូលរៀនឲ្យបានគ្រប់ម៉ោង ដោយបញ្ឈប់សកម្មភាពប្រេីប្រាស់បណ្ដាញសង្គមលេីផ្លូវខុស ពិសេស ការបង្ហោះនូវខ្លឹមសារដែលជាសម្ដីអសីលធម៌នៅក្នុងសង្គម ប៉ះពាល់ដល់កិត្ដិយស មុខមាត់អ្នកស្រុកថ្ពង៕